jóNi international

Vinnustaðurinn minn í augnablikinu!
(og Gerald leikstjóranemi)

posted by jóNi @ 18:37 3 comments

Ég velti því fyrir mér í morgun hvort ég hefði farið öfugur fram úr rúminu. En ég dokaði við og hugsaði lengra, í fyrsta lagi fannst mér tilfinningar mínar og hrifning til karlmanna ekki hafa aukist og í annan stað er ekki hægt að fara öfugu megin fram úr rúminu þar sem það liggur upp að vegg í austri. Gæti verið afleitt feing svei? En hvað um það, ég fattaði það fyrst þegar ég var kominn hálfa leiðina á æfingu með sporvagninum að ég var í krummafót, það hefur ekki hent mig mjög lengi, svona rúmlega 20 ár. Snarlega víxlaði ég skónum sjótt en ekki tók þá betra við, mér til enn meiri undrunar uppgvötvaði ég að sporvagninn tók aðra stefnu en ég hafði ráð gert fyrir svo ég endaði með því að ganga hálfrar stundar spotta að leikhúsinu í stað þess að nema þar staðar beint fyrir utan með réttum vagni.
Gæti verið að þessi brenglun orsakist af því að ég er örvhentur?
Samkvæmt sögusögnum um meinta eiginleika örfhentra um þeir séu greindari en annað fólk gæti þetta verið ákveðin greindarbrenglun þar sem í dag er hálft minnkandi tungl.

Þá er ekki fleira í þættinum að þessu sinni, verið þið sæl.

posted by jóNi @ 13:57 0 comments

Af óskiljanlegum ástæðum hefur síðasta færsla þessa vesæla vefsvæðis dottið út en hún fjallaði í stærstum dráttum um heimsókn væntanlegs gests er númer eittþúsund í vitjunum yrði. Sá gestur sá sér þó ekki fært að tilkynna þátttöku sína í póstkortaleiknum, óheppinn sá, en Helga Sif frænka mín í fyrirheitnalandinu gerði það og mun hún hljóta litprentað póstkort, skreyttu einhverju einkenni Vínarborgar í verðlaun, sent heim að dyrum áritað af mér sjálfum. Til hamingju með það frænka mín.
Ég er farinn að sjá Ástardrykkinn í Staatsoper,
lifið heil.

Þá er ekki fleira í þættinum að þessu sinni, verið þið sæl.

posted by jóNi @ 15:27 4 comments

Af drykkjum.
Kyrgi þykir mér ágætt, en venjulega útbý ég korgsoð í bítið. Framausturlenskt kyrgi bætt sætungi nota ég spari og er ég hlýt gesti er það venjulega á boðstólnum. Laufsoð er hentugri kvölddrykkur, jafnvel með kæliblöðungsbaragði.
Mógæti þykir mér sælgæti, en það er best með rjóma, en þarf þó að vera brætt úr ekta dökku mógæti.
Snjóbeiskjugos og aðrir gosdrykkir eru hentugir í kvikmyndahúsum með hvellgrjónum eða með skranmeti.
Veigar, rauðar sem hvítar henta vel flestum mat og eldveigar til skemmtana.
Að síðustu en þó eigi sístu, ber að nefna hið undursamlega líð. Hinn glullni litur þess svo fagur og hvernig það flýtur niður kverkarnar, er sjaldfundin nautn.

Þá er ekki fleira í þættinum að þessu sinni, verið þið sæl.

posted by jóNi @ 13:15 1 comments

 

posted by jóNi @ 18:52 2 comments

Í dag keypti ég mér nýja Gillett max 3 turbo raksköfu.
Slíkt verkfæri hef ég ekki átt í mörg ár, man síðast eftir að hafa notað eina þesskonar þegar ég flutti frá Fróni forðum, þe. haust 2003. Enda raka ég mig afar sjaldan, helst ekki nema tvisvar sinnum í mánuði, og hef ég átt til þess verks ágætan rafhlöðuskeggskera, sem gerir manni kleyft að stilla skegglengdina í millimetravís.
En þessu nýja vopni beitti ég á vangaskeggið árla dags og voru hin fyrstu viðbrögð jákvæð. Á götum úti brosti fólk til mín eins og ég væri nafntogaður að einhverju leiti og þegar í skólann kom var mér líkt við nútíma poppstjörnur. Samnemendur mínir af kvenkyni vóru þó áberandi meira eftirtektarsamir en þegar út spurðist, vildu þeir af hinu kyninu, karls, heldur halda í þá gömlu ásjónu, sem áður var, því þótti þeim það betur fara á sviði og sæma manngervingunum mínum betur.

Þá er ekki fleira í þættinum að þessu sinni, verið þið sæl.

posted by jóNi @ 18:56 0 comments

Naðran er hjá Nirði, niðri, norður í Borgarfirði nyrðri!


Þá er ekki fleira í þættinum að þessu sinni, verið þið sæl.

posted by jóNi @ 20:27 2 comments